Deché-delé

Tinke ouna galéja babiyoula ke m’a kontâ Roro dè Gumefin.

Tsakon châ ke li-ya pâ tan dè chtou j’an, le prèfè d’la Grevire irè dè Chorin. Ora, l’i châbrè adi, ma l’a prê mé dè galon, puchke l’è konchiyé d’Etha. On dèvêlené, ke to Chorin irè ou kabarè po fithâ chon pèrchenâdzo, le vindâdzo irè tsouhyi. Lè dzin chè kunyivan pê ti lè kâro. Le pouêrtzo, l’othô, to irè pyin a krakâ. To chin faji ouna pechint’ achinbyâye. Bin chur ke kotyè grô bounè iran inke po tuflâ dè politike.

On kou ke ti hou ke l’avan ôtyè a dre po cholanijâ l’anà ke la kemouna dè Chorin dèvechi achintre; du le fon dou vindâdzo on intin Mayu Privet, a Raymond, ke chè betè a dre: «Di-vê Maurice, kan te vudri rèvinyi pridji pèr inke, t’è fudrè molâ la réche di duvè pâ.» VONVON KOLLY

Ecoutez cet article en…